ABŞ hərbi hava qüvvələri B-2 Spirit strateji bombardmançılarını Quam adasındakı aviabazasına yerləşdirib.
Axar.az xəbər verir ki, bu barədə informasiyanı ABŞ-ın Sakit okean hərbi komandanlığı yayıb. Üç təyyarə ilə birgə ABŞ Quam adasında 200 hərbçi də göndərilib.
Qeyd edək ki, Quam adası ABŞ-ın Sakit okeandakı əsas hərbi dayağı sayılır. Bu ada Şimali Koreya ballistik raketlərinin ən yaxın hədəfi olan ABŞ ərazisidir.