Türkiyə Hərbi Hava Qüvvələrinin yanvarın 29-da İraqın şimalında apardığı iki əməliyyat nəticəsində məhv edilən terrorçuların sayı açıqlanıb.
Trend-in məlumatına görə, Asos/Qəndil, Zap, Avaşin-Basyan və Hakurk bölgələrində terrorçuların mövqelərinə zərbələr endirilib.
Aviazərbələr nəticəsində 49 terrorçu zərərsizləşdirilib.
Xatırladaq ki, yanvarın 20-də Türkiyə Silahlı Qüvvələri Suriyanın Afrin bölgəsində PYD, YPG və İŞİD terrorçularına qarşı əməliyyata başlayıb. "Zeytun budağı" adı altında keçirilən əməliyyatlara Türkiyə Hərbi Hava Qüvvələrinin "F-16" təyyarələri də cəlb olunub.