İraq Xarici İşlər Nazirliyi bu ölkənin şimal bölgəsindəki Ərbil şəhərində bu gün Türkiyə baş konsulluğunda çalışan bir diplomatın öldürülməsinə səbəb olan silahlı hücumu pisləyib.
“Report” "Anadolu"ya istinadən xəbər verir ki, XİN sözçüsü Əhməd əs Səhhaf tərəfindən verilən yazılı açıqlamada həmin hücum nəticəsində bir nəfər İraq vətəndaşının öldüyü, bir nəfərin də yaralandığı qeyd edilib.
O, hadisənin təfərrüatını üzə çıxarmaq üçün iki ölkənin rəsmi qurumlarının birgə fəaliyyət göstərdiyini bildirib.