SonXəbərlər-in verdiyi məlumata görə, İrəvanda keçirilən mer seçkisində maraqlı bir hadisə Ermənistanda böyük səs-küyə səbəb olub.

Belə ki, 1011-ci məntəqədə seçicilərdən birinin atasının adı Azərbaycan imiş. Seçici Qasparyan Anaxid Azərbaycan qızı 1958-ci ildə dünyaya gəlib. Onun atasının milliyyəti naməlumdur.

Qeyd edək ki, sosial şəbəkədə istifadəçilərdən biri Armen Qasparyan bu hadisəni şərh edərkən yazıb:

"Mən sizə izah edim. Orda yazılıb Qasparyan Anait Azərbaycani. Yəni Azərbaycanovna. Məsələ burasındadır ki, SSRİ dövründə (bəlkə də ondan əvvəl), ermənilərdə belə bir inam var idi: əgər erməni ailələrində bir-birinin ardınca uşaqlar ölürdülərsə, növbəti uşağın yaşaması üçün müsəlman adı qoyulurdu. Beləliklə, inanclı insanlar övladlarının xilası üçün seyidin, sufinin yanına gedir və inanırdılar ki, bu kömək edir".