Bu gün Amerikanın CBC televiziyası və "Əl-Dorar" xəbəbr agentliyinin yayımladığı məlumatda bildirilib ki, Amerika Birləşmiş Ştatları və Kanada "Heyət Təhrir əş-Şam"ı (Şamın Fəth Cəbhəsi) terror təşkilatları siyahısından çıxarıb.

SonXəbərlər-in məlumatına görə, ABŞ Xarici İşlər Nazirliyinin nümayəndəsi İkole Tomson CBC-in xəbərini təsdiqləyib. O bildirib ki, ABŞ hələ də "Təhrir əş-Şam"ın necə fəaliyyət göstərdiyini müşahidə edir və qruplaşmadakıları "terror təşkilatı üzvü" olaraq görmürlər.  

ABŞ-ın Suriya Səfirliyindən yayımlanan açıqlamada isə "Təhrir əş-Şam"ın terror siyahısından çıxarılması təkzib olunub.

Təkzib açıqlamasında bildirilir ki, "Təhrir əş-Şam"-in bünövrəsi Nüsrət Cəbhəsidir və bu təşkilat hansı adla fəaliyyət göstərməsindən, kiminlə birləşməsindən asılı olmayaraq, qərar eynidir.

Qeyd edək ki, agentliyin xəbərində bildirilir ki, Əl-Qaidə terror təşkilatının təbliğatını aparan, təşkilata maliyyə yardımı edən və terrorçulara qoşulan Kanada vətəndaşlarına cəza verilmir.