MU-2B markalı, içərisində 4 nəfər sərnişin olan kiçik təyyarə Puerto-Rikodan Floridaya uçarkən radarlardan itib. SonXəbərlər-in məlumatına görə, bu barədə "Reuters" agentliyi ABŞ sahil xidmətinə istinadən xəbər yayıb.

Göyərtədə olanlar Nyu-York sakinləri olub. Onlar ikisi 4 və 10 yaşlı uşaq olub.

Təyyarə radarlardan itərkən Baham adaları qrupuna daxil olan Elyuteriya üzərində 7 min metr hündürlükdə uçurmuş. Sahil xidməti həmin rayonda təyyarənin axtarışına başlayıb.

Atlantik okeanında Florida, Bermud adaları və Puerto-Riko arasında yerləşən ərazi "Bermud üçbucağı" adlanır. Bu rayon anomal hadisələrin məskəni kimi tanınır və təyyarələrin, gəmilərin itdiyi yer kimi bilinir. Sözügedən ərazidə nəqliyyat vasitələrinin itməsi çətin naviqasiya ilə əlaqələndirilir.