SonXəbərlər-in verdiyi məlumata görə, ABŞ senatoru Con Makkeyn Türkiyənin Amerikadakı səfirinin ölkədən qovulması barədə çağırış edib. Bu barədə o, "MSNBC" telekanalına müsahibəsində danışıb.
 
"Biz onların səfirini ABŞ-dan qovmalıyıq. Diplomatiya səviyyəsində bu cür şeylər cavabsız qala bilməz",- deyə Sentaın Silahlı Qüvvələrin İşləri üzrə komitəsinin rəhbəri Con Kamkkeyn bildirib.

Qeyd edək ki, mayın 17-də Vaşinqtondakı Türkiyə səfirliyinin qarşısında PKK/PYD tərəfdarları ilə səfirlik əməkdaşları arasında qarşıdurma yaranmışdı. Buna səbəb isə Türkiyə prezidenti Rəcəb Tayyip Ərdoğanın səfirlik binasına daxil olarkən etirazçıların avtomobilə hücum çəkməsi olub. Hadisəyə Türkiyə prezidentinin mühafizəçilərinin qarışmasından sonra qarşıdurma yaranmış və 11 nəfər xəsarət almışdı.