SonXəbərlər-in verdiyi məlumata görə, ABŞ-ın Hərbi Hava Qüvvələrinin mart ayında İraqın Mosul şəhərinə endirdiyi avia zərbə zamanı ən azı 105 dinc sakin həlak olub, daha 36 nəfər itkin düşüb. Bu məlumatı Amerikanın Müdafiə Nazirliyi etiraf edib.
Pentaqondan açıqlanıb ki, kütləvi insan tələfatı məhz avia zərbələrdən deyil, bombardmanın düşdüyü binalarda "İŞİD"in yerləşdirdiyi partlayıcıların işə düşməsindən qaynaqlanır.