"Böyük Britaniya "Brexit" üzrə razılaşma olmadan Avropa Birliyini tərk edə bilər". SonXəbərlər-in verdiyi məlumata görə, bu sözləri ölkənin milli televiziyasında çıxışı zamanı baş nazir Tereza Mey bildirib.
Tereza Mey telekanalda seçkiqabağı debatda iştirak edib. Onun rəqibi leyboristlərin lideri Ceremi Korbin olub.
Böyük Britaniyanın baş naziri Tereza Mey debat zamanı deyib ki, əgər Brüsselin təklif edəcəyi "Brexit" ölkəsini qane etməsə, bundan imtina edəcəklər: "Razılaşmanı pozmaq, əlverişsiz razılaşma imzalamaqdan yaxşıdır. İstənilən halda Britaniyanın Avropa İttifaqından çıxması prosesi ləngimədən iyunun 19-dan başlayacaq".