Myanmarda itən hərbi təyyarə dənizdən tapılıb.

SonXəbərlər-in məlumatına görə, bu barədə "Frans Press" agentliyi hərbi mənbələrinə istinadən bildirib.

"Biz dənizdən təyyarənin qalıqlarını və bir neçə meyit aşkarlamışıq", - deyə, Myanmar ordusunun rəsmilərindən biri olan Min Aun Xlainq bildirib.

Qeyd edək ki, təyyarə ölkənin cənub əyaləti olan Yanqondan qalxdıqdan bir müddət sonra radarlardan itib. Təyyarənin göyərtəsində 15-i uşaq olan 122 nəfər olub.