SonXəbərlər-in verdiyi məlumata görə, Böyük Britaniya polisi Londonda terror aktı ilə bağlı yeddinci şübhəli şəxsi saxlayıb. Əməliyyat Britaniyanın paytaxtı London yaxınlığında yerləşən Barkinqdə keçirilib.

19 yaşlı gənc terror aktını həyata keçirmək, buna təhrik etmək və partlayıcı maddələrin hazırlanması ittihamı ilə həbs edilib.

Xatırladaq ki, iyunun 3-də “London-Bric” körpüsündə sürücü mikroavtobusu piyadaların üstünə sürüb. Daha sonra bıçaqla silahlanmış şəxslər insanlara hücum edərək xəsarətlər yetiriblər. Hadisə nəticəsində 7 nəfər ölüb, 48 nəfər xəsarət alıb. Böyük Britaniya hökuməti hadisəni terror aktı kimi qiymətləndirib.