Sonxeberler-in verdiyi məlumata görə, Mixail Saakaşvili barəsində 11 il həbs cəzası çıxa bilər. Bu barədə ölkənin Baş Prokurorluğu məlumat yayıb. Məlumata görə, Gürcüstanın sabiq prezidenti barəsində 4 cinayət işi üzrə olan məhkəmə çəkişməsi gedir.

Gürcüstan Prokurorluğunun nümayəndəsi Nati Sonqlaşvili bildirib ki, Saakaşvili bankir Sandro Qirqvlianinin qətlini ört-basdır etmək, külli miqdarda dövlət vəsaitini mənimsəmək, deputat Valeriya Qelaşvilinin amasızcasına döyülməsini təşkil etmək və müxalifətin "İmedi" kanalını ələ keçirməkdə ittiham olunur. 

Bu arada Gürcüstanın eks-prezidenti, Odessa vilayətinin keçmiş qubernatoru, hazırda hər iki ölkənin vətəndaşlığından məhrum edilən Mixail Saakaşvili bəyan edib ki, Ukrayna vətəndaşlığının bərpası uğrunda mübarizə aparacaq və aktiv siyasətə qayıdacaq.