Kolumbiyanın “Atletiko Uila” klubunun futbolçusu Eduard Qutyerres dünyasını dəyişib.
“Report”un “El Heraldo” nəşrinə istinadən verdiyi məlumata görə, 22 yaşlı müdafiəçi avtomobil qəzasında həyatını itirib.
E.Qutyerres mayın 7-də Uila şəhərində qəzaya düşüb. Kolumbiyalı futbolçunun rəfiqəsinin idarə etdiyi avtomobil ağaca çırpılıb. Nəticədə o, hadisədən bir neçə saat sonra xəstəxanada keçinib.
Qeyd edək ki, 2015-ci ildən “Atletiko Uila” komandasının formasını geyinən Eduard Qutyerres ümumilkdə 19 oyunda iştirak edib.