Futbol üzrə Konfederasiyalar Kuboku - 2017-nin "B" qrupunun II tur oyununda Almaniya millisi Çili ilə heç-heçə edib.
"Report" xəbər verir ki, "Kazan arena"da keçirilən görüş 1:1 hesabı ilə başa çatıb. Hər iki qol birinci hissədə vurulub. Hesabı cənubi amerikalılar açıb. 42-ci dəqiqədə isə hazırkı dünya çempionları matçda bərabərlik yaradıblar.
Qrup mərhələsinin iyunun 25-də keçiriləcək son turunda Almaniya Soçidə Kamerunla, Çili komandası isə həmin gün Moskvada Avstraliya ilə qarşılaşacaq.
Turnir cədvəlində vəziyyət: 1. Çili — 4 xal; 2. Almaniya — 4; 3. Avstraliya — 1; 4. Kamerun — 1.
Konfederasiyalar Kuboku. "B" qrupu. 2-ci tur
Almaniya – Çili - 1:1
0:1 – Sançes – 6, 1:1 – Ştindlğ – 42