Amerikanın Men ştatındakı Qardiner şəhərində sakinlərə iməcliyə çıxmağa qarşılıq olaraq marixuana təklif edilib.

Bu barədə ABC News xəbər yazıb. Aksiyanı biznesmen Denis Muxan təşkil edob. Onun tibbi marixuana istehsalı ilə bağlı kampaniyası var. Aksiya Summit Medical Marijuana kampaniyasının Facebookdakı səhifəsində anons edilib. Kampaniya rəhbəri bildirib ki, bu aksiya ancaq 21 yaşdan yuxarı olan şəxslər üçün keçərlidir. O, eyni zamanda bildirib ki, mükafat almaq istəyənlər bir torba şəhər zibili gətirməlidilər. Aksiyanın nəticəsində Summit Medical Marijuana aksiyanın necə keçməsi barədə insanlara məlumat verib. Kampaniya facebook səhifəsində içi zibil dolu konteynerlərin fotolarını paylaşıb. Mixan deyib ki, gələcəkdə bu kampaniyanı bütün ştat üzrə genişləndirmək istəyib. O, hesab edir ki, bu başlanğıc şəhərin təmizliyi üçün mühüm addımdır.

Men ştatında marixuananın hədiyyə edilməsi tamamilə qanunidir. Marixuana dərman kimi ölkənin 19 ştatında və Vaşinqtonda satılır.