"QHT işi" üzrə daha iki nəfərin cinayət məsuliyyətinə cəlb olunduğu bildirilir. İctimai fəal Asəf Əhmədov və sosial işçi Zamin Zəki barəsində həbs-qətimkan tədbirinin seçildiyi deyilir.
Onların yaxınlarının bildirməsinə görə, bununla bağlı aprelin 9-da Binəqədi rayon Məhkəməsi qərar verib. Hər iki şəxs barəsində 3 ay müddətinə həbs-qətimkan tədbirinin seçildiyi vurğulanır.
Bu məlumatı, hələlik, məhkəmənin özündən təsdiqlətmək mümkün olmayıb.
QHT-lər ilə bağlı cinayət işi ilə əlaqədar daha bir neçə şəxsin də ifadəyə çağırıldığı deyilir. Bu məlumatı da, hələlik, rəsmi qurumlardan dəqiqləşdirmək mümkün olmayıb.