Monteneqro rəsmi olaraq NATO-nun 29-cu üzvü olub.
SonXəbərlər-in TASS agentliyinə istinadən verdiyi xəbərə görə, bununla bağlı bu gün Vaşinqtonda, ABŞ Dövlət Departamentin binasında rəsmi mərasim keçirilib.
Mərasim çərçivəsində Monteneqronun baş naziri Duşko Markoviç ölkəsinin Şimali Atlantika Alyansına qoşulmasına dair protokolu ABŞ dövlət katibinin müavini Tomas Şennona təqdim edib.
Mərasimdə NATO-nun baş katibi Yens Stoltenberq də iştirak edib.